Հարցազրույց Արնո Բերբերյանի հետ, Justonimo.com, Փարիզ, Ֆրանսիա
iTechnology.am: Դուք մարկետինգի առաջատար մանագետ եք ավելի քան 14 տարվա փորձառությամբ եւ հաջողակ կարիերայով: Պատմեք մեզ ավելին. որտեղից եք սկսել եւ որոնք են եղել կարեւորագույն կետերը ձեր կարիերայում:
Արնո Բերբերյան: Մարկետինգ մենեջմենթի բակալավրի կոչումը ստանալուց հետո ես ընդունվեցի Hewlett-Packard որպես գլխավոր մենեջեր նորագույն տեխնոլոգիաների գծով: Ես շարունակեցի իմ կարիերան մարկետինգի եւ վաճառքային մենեջմենթի գծով, եւ 2007թ.-ին ընկերս խնդրեց ինձ օգնել իր ստարտափի մարկետինգային վիդեոյի հարցով: Ստարտափը Mymajorcompany.com-ն էր` Ֆրանսիայում ամենաառաջին դրամահավաքային հարթակներից մեկը, ընկերս էլ Սիմոն Իստոլենեն: Սա իրական հաջողություն էր եւ իմ կարիերայում դարձավ կարեւորագույն հաղթանակներից մեկը: Այս ժամանակ ես, ավելի քան երբեւէ հասկացա, թե ինչպես են նորագույն տեխնոլոգիաները փոխում բիզնես մոդելները, նաեւ իմ պատկերացումները մարկետինգային մենեջմենթի մասին: Այդ շրջադարձից հետո ես սկսեցի համագործակցել նոր տեխնոլոգիաներին, սոցիալական ցանցերին վերաբերող տարբեր նախագծերի հետ: Այժմ ես հիմնադրում եմ իմ ստարտափը` justonimo.com-ը, որը անշարժ գույքի դրամահավաքային հարթակ է:
iTechnology.am: Այսօրվա մարկետինգի աշխարհը բավական տարբեր է նրանից, ինչ մենք ունեինք 10 տարի առաջ: Այսօր մարդիկ կենտրոնանում են թվային մարկետինգի վրա` կիրառելով նորագույն տեխնոլոգիաները, սոցիալական ցանցերը եւ առցանց հարթակները: Որոնք են ամենակարեւոր փոփոխությունները, որ մինչ այժմ գրանցվել են եւ արդյոք ավանդական մարկետինգը վերանում է: Ինչպիսին եք տեսնում մարկետինգի ապագան:
Արնո Բերբերյան: Մենք պիտի շատ զգույշ լինենք այստեղ. մարկետինգի սկզբունքները բացարձակ չեն փոխվել, այն գործիքները, որոնք մեր կրառում ենք մարկետինգային ռազմավարության մեջ ավելի են զարգացել առավել արդյունավետ եւ պրոակտիվ դառնալու համար: Նոր տեխնոլոգիաների հետ իրականում բիզնես մոդելներն են փոխվում: Մենք հեղափոխությա ականատես ենք լինում, որը ձեւափոխում է բիզնեսի մենեջմենթն իրականացնելու մեր տարբերակները: Ինչպես 19-երորդ դարի արդյունաբերական հեղափոխությունը, այնպես էլ մերօրյա թվային հեղափոխությունը ստեղծում է նորանոր ձեռնարկություններ, փոխում է աշխարհի ընթացքը եւ մարկետինգն ու նորարարությունը հասցնում է մի նոր մակարդակի: Ես չէի ցանկանա կանխագուշակություններ անել, սակայն կարող եմ ասել, որ 3D տպիչը, խոշորագույն տվյալները, ամպային հիմքով ծառայությունները եւ դրամահավաքությունը ավելի ծատ կներգրավվեն մեր առօրյա կյանքում, ստարտափը կփոխի ձեռնարկությունները սահմանելու մեր մոտեցումը եւ մենք շատ մոտ ապագայում ավելի շատ նորություններ կտեսնենք, որոնք մեր առօրյա կյանքը կփոխեն:
iTechnology.am: Հայաստանում մենք ականատես ենք լինեում առաջին մարկետինգային ընկերությւոների ստեղծմանը, մեր հալասարաններն արդեն առաջարկում են մարկետինգի մասնագետներ պատրաստող կուրսեր: Ինչ խորհուրդ ունեք հայ մասնագետներին, ովքեր ցանկանում են այս ոլորտումս ստանալ ավելի խորացված գիտելիքներ:
Արնո Բերբերյան: Ավելի բաց եղեք նորարարության հանդեպ: Մարեկտինգը ընկերության կարեւորագույն մասերից է, այն կապող օղակն է բիզնեսի յուրաքաչյուր մասնիկի համար` սկսած աշխատակիցների կառավարումից մինչեւ արտադրություն եւ վաճառք: Մակետինգի մասնագետը պիտի ռազմավարական եւ օպերացիոն դեր ունենա եւ երկարաժամկեը եւ կարճաժամկետ ծրագրերում:
Այսպիսով իմ խորհուրդն է լինել հետաքրքրասեր, բաց, լսել եւ դիտել ուշադիր եւ իհարկե լինել նորարար:
Արնո Բերբերյանի կանխատեսումները մարկետինգի էվոլյուցիայի վերաբերյալ
Տեսանյութը` ConseilsMarketing.fr
iTechnology.am: Որոնք են մարկետինգի մասնագետի կարեւորագույն հատկանիշները: Արդյոք դա մարդկային որոշակի տեսակ է, թե կրթության եւ զարգացման միջոցով ձեռքբերովի հմտույթուն է:
Արնո Բերբերյան: Իմ կարծիքով կարեւորագույն հմտությւոններն են հետաքրքասիրությունը եւ լսել իմանալը: Չեմ կարծում, որ սա հատուկ տեսակ է, սակայն աշխատասիրությունը հաստատ հաջողության բանալին է: Մի խոսքով պիտի լինել ԱՌԱՋԻՆԸ, ԼԱՎԱԳՈՒՅՆԸ կամ ՏԱՐԲԵՐ:
Արնո Բերբերյան: Դրամահավաքը մեծապես կփոխի բիզնես վարելու մեր մոտեցումները: Այն մարդկանց համար, մարդկանց ուղղված եւ մարդկանց ներգրավվածությամբ բիզնես է եւ իսկապես ամեն ինչ կփոխի: Բանկերն այլեւս այն միակ վայրը չենք, որտեղից կարելի է գումար վերցնել:
Իմ խորհուրդները լավ դրամահավաքային արշավներ կազմկերպելու համար.
- Դրամահավաքային արշավը ավելի հաջողված անելու համար դուք պիտի լայնորեն կիրառեք սոցիալական ցանցերը: Մարդիկ սոցիալական ցանցերի իրական չափերը չեն պատկերացնում: Մտածեք այդ մասին ավելի խորը, դրանք շատ օգտակար են ինֆորմացիայի տարածման համար:
- Կարճ եւ կոնկրետ եղեք, ձեր գաղափարը եւ նախագիծը պիտի հասկանալի լինի մեկ նախադասությամբ: Եթե չեք կարող ներկայացնել այն կարճ, ապա դուք դեռ պատրաստ չեք:
- Հստակ եղեք: Եթե 6 տարեկան երեխան չկարողացավ հասկանալ, ապա դեռ աշխատանք ունեք անելու:
- Մաքուր բիզնես պլան կազմեք: Ներդրողները պիտի իմանան` որտղ է օգտագործվել իրենց գումարը, եւ միշտ պիտի իմանան այս հարցի պատասխանը. ես ներդրել եմ 1դոլլար, ինչքան եմ վաստակելու եւ երբ: Եղեք մաքուր եւ թափանցիկ:
- Նախքան ձեր արշավը սկսելը, մի մոռացեք ակտիվացնել ձեր ցանցերը եւ օնլայն եւ օֆլայն աշխարհում: Ձեր ներդրողները երբեմն ավելի կարեւոր են, քան ձեր ֆեյսբուքի ընկերները:
- Երբ սկսեք ձեր արշավը, հոգ տարեք ներդրողներին, հաղորդակցվեք նրանց հետ: Մի հապաղեք հարցնել նրանցից խորհուրդներ, կամ բացատրել ձեր ընտրությունը:
- Մի մոռացեք շնորհակալ լինել նրանց, լինի դա փոքր նվեր, կամ հավաքույթ, ինչ էլ որոշեք անել, անպայման շոնրահակլություն հայտնեք:
iTechnology.am: Արդյոք ներգրավված եք Ֆրանսիայում հայկական համայնքի մեջ: Ինչ միջոցառումներ է կազմակերպում համայնքը երիտասարդ հայ մասնագետների հետ կապ հաստատելու եւ միմյանց օգտակար լիենլու համար:
Արն Բերբերյան: Ես Հայկական մասնագիտական շրջանակի եւ երիտասարդ մասնագետների ցանցի անդամ եմ: Կոնկրետ ինձ համար Ֆրանսիայում հայ երիտասարդ մասնագետների հետ կապվելու շատ նախաձեռնություններ չկան: Սովորաբար անհատական քայլեր են, հանդիպումներ եւ այլն…
iTechnology.am: Հայկական տեխնոլոգիական ընկերությւոնների եւ ստարտափների թույլ կողմերից մեկը հենց մարկետինգն է: 2012թ.-ին Հայաստանի Կառավարությունը ներկայացուցչական գրասենյակ բացեց Սիլիկոնյան հովտում հենց այս խնդրին որոշակի լուծում տալու նպատակով: Ինչ եք կարծում, ինչպես պիտի հայկական ընկերությունները զարգացնեն եւ իրականացնեն մարկետինգային ռազմավարությունը ավելի լայն շուկաներ գրավելու համար:
Արնո Բերբերյան: Նախ լավ մարկետինգային ռազմավարությունը հիմնված է լավ արտադրանքի կամ ծառայության վրա: Եթե ուզում եք ավելի լայն շուկաներ գրավել, ձեր խոստումները արտադրանքի կամ ծառայության վերաբերյալ պիտի իրականութանը համապատասխանեն: Երկրորդը, մենք պիտի դատարենք Հայաստանի մասին մտածել որպես փակ երկիր: Մարդիկ Հայաստանի մասին բավական դրական կարծիք ունեն, հատկապես Ֆրանսիայում, եւ սա լավ հնարավորույթուններ է տալիս: Սակայն դա բավարար չէ: Հայկական տեխնոլոգիական ընկերությունները կարող են զարգացնել իրենց ռազմավարությունը սփյուռքի եւ օնլայն ցանցերի միջոցով: Մենք համայնքներ ունենք ամբողջ աշխարհում, որ կարող են տարածել ձեր ինֆորմացիան, ուղակի պետք է լավ կրառել այս հնարավորությունը: Ընդհանրապես պիտի զգուշավոր լինել. հայ լինելը լավ տարբերակ է, սակայն միակ տարբերակը չէ ;-)
